گزشتہ ہفتے ملک میں سیمنٹ کی ریٹیل قیمت میں اضافہ ریکارڈ کیا گیا ہے۔
پاکستان بیورو برائے شماریات کے مطابق 18 دسمبر کو ختم ہونے والے ہفتے میں ملک کے شمالی شہروں میں سیمنٹ کی فی بوری اوسط ریٹیل قیمت 1402 روپے ریکارڈ کی گئی، جو پچھلے ہفتے کے مقابلے میں 0.9 فیصد زیادہ ہے۔ پچھلے ہفتے شمالی شہروں میں سیمنٹ کی فی بوری اوسط ریٹیل قیمت 1389 روپے تھی۔
انٹرنیشنل ریٹنگ ایجنسیوں کا بھی پاکستانی معیشت میں بہتری کا اعتراف
اسی طرح، 18 دسمبر کو ختم ہونے والے ہفتے میں جنوبی شہروں میں سیمنٹ کی فی بوری اوسط ریٹیل قیمت 1446 روپے ریکارڈ کی گئی، جو پچھلے ہفتے کے مقابلے میں 0.06 فیصد زیادہ ہے۔ پچھلے ہفتے جنوبی شہروں میں اوسط ریٹیل قیمت 1445 روپے تھی۔
اعدادوشمار کے مطابق گزشتہ ہفتے اسلام آباد میں سیمنٹ کی فی بوری اوسط قیمت 1367، راولپنڈی 1361، گوجرانوالہ 1450، سیالکوٹ 1420، لاہور 1488، فیصل آباد 1390، سرگودھا 1397، ملتان 1451، بہاولپور 1440، پشاور 1353 اور بنوں 1300 روپے ریکارڈ کی گئی۔
کراچی میں فی بوری اوسط ریٹیل قیمت 1378، حیدرآباد 1428، سکھر 1530، لاڑکانہ 1407، کوئٹہ 1490 اور خضدار 1443 روپے ریکارڈ کی گئی۔
