الیکشن کمیشن آف پاکستان نے تمام اراکین پارلیمنٹ اور صوبائی اسمبلیوں کے لیے اثاثوں اور واجبات کے گوشوارے جمع کروانے کی حتمی تاریخ 31 دسمبر 2025 مقرر کی ہے۔ الیکشن ایکٹ 2017 کی دفعہ 137 کے تحت یہ گوشوارے سالانہ جمع کروانا لازمی ہے۔
پاکستان میں کتنی غیر اخلاقی ویب سائٹس بند ؟ تفصیلات منظر عام پر
کمیشن نے واضح کیا ہے کہ جو اراکین مقررہ تاریخ تک گوشوارے جمع نہیں کروائیں گے، ان کے نام یکم جنوری 2026 کو پریس ریلیز کے ذریعے شائع کیے جائیں گے۔ 15 جنوری تک گوشوارے جمع نہ کرانے والے اراکین کی رکنیت 16 جنوری کو معطل کر دی جائے گی، اور معطلی کے دوران وہ کسی پارلیمانی کارروائی میں حصہ نہیں لے سکیں گے۔
اگر کسی رکن نے گوشواروں میں غلط یا گمراہ کن معلومات فراہم کی ہیں تو کمیشن جمع کروانے کی تاریخ سے 120 دن کے اندر قانونی کارروائی کرے گا۔ فارم-بی اور متعلقہ ہدایات الیکشن کمیشن کے دفاتر، سینیٹ سیکرٹریٹ اور اسمبلیوں کے سیکرٹریٹ سے مفت حاصل کی جا سکتی ہیں، جبکہ یہ فارم کمیشن کی ویب سائٹ پر بھی دستیاب ہے۔
