فیض حمید سیاسی سرگرمیوں میں ملوث پائے گئے،رانا ثنااللہ

مشیر وزیر اعظم رانا ثنا اللہ کا کہنا ہے کہ فیض حمید سیاسی سرگرمیوں میں ملوث پائے گئے اور وہ کسی سیاسی جماعت یا سیاست دان کے ساتھ ملوث تھے۔

رانا ثنا اللہ نے کہا کہ سابق لیفٹیننٹ جنرل فیض حمید کے خلاف فیصلے میں دو چیزیں اہمیت کی حامل ہیں۔ انہوں نے کہا کہ فوج میں ہر کسی کا احتساب ہوتا ہے اور فیض حمید سیاسی سرگرمیوں میں ملوث پائے گئے۔

فیض حمید کی سزا ابتدا ،9 مئی کے کیسز باقی ، سہولت کاروں کو بھی نہیں چھوڑا جائیگا ، فیصل واوڈا

مشیر وزیر اعظم نے کہا کہ فیض حمید کسی سیاسی جماعت یا سیاست دان کے ساتھ ملوث تھے۔ ان کا اندازہ ہے کہ ان کو بھی پراسیکیوٹ کیا جائے گا۔ انہوں نے کہا کہ اگر بات سیاسی جماعت تک جاتی ہے تو معاملہ فوجی عدالت میں ہی جائے گا۔

رانا ثنا اللہ نے کہا کہ فیصلے میں نو مئی کا ذکر ہوا ہے، تو پی ٹی آئی کے اہم رہنما بھی ذمہ دار ٹھہرائے جائیں گے۔ انہوں نے کہا کہ تھری اسٹار جنرل کا کورٹ مارشل ہوا اور انہیں سزا ہوئی۔ انہوں نے کہا کہ اگر آرمی ایکٹ کی خلاف ورزی ہو تو کورٹ مارشل ہوتا ہے۔

واضح رہے کہ فیلڈ جنرل کورٹ مارشل نے سابق ڈی جی آئی ایس آئی لیفٹیننٹ جنرل (ر) فیض حمید کو چودہ سال قید بامشقت کی سزا سنائی ہے۔ پاک فوج کے شعبہ تعلقات عامہ (آئی ایس پی آر) کے مطابق بارہ اگست 2024 کو پاکستان آرمی ایکٹ کے تحت فیض حمید کے خلاف کارروائی کا آغاز ہوا تھا۔ فیض حمید کے خلاف فیلڈ جنرل کورٹ مارشل کا عمل پندرہ ماہ جاری رہا اور عدالت نے آج گیارہ دسمبر کو ملزم کو چودہ سال قید بامشقت کی سزا سنائی۔