پاک بحریہ نے اینٹی شپ بیلسٹک میزائل کا کامیاب تجربہ کیا ہے، جسے مکمل طور پر پاکستان میں تیار کیا گیا ہے۔ آئی ایس پی آر کے مطابق یہ میزائل سمندری اور زمینی اہداف کو اعلیٰ درستی کے ساتھ نشانہ بنانے کی صلاحیت رکھتا ہے اور شاندار گائیڈنس کے ساتھ اہم خدوخال کا حامل ہے۔
اسرائیلی وزیراعظم نے سکیورٹی خدشات پر اپنا بھارت کا دورہ منسوخ کردیا
ٹیسٹ فلائٹ کا مشاہدہ نیول چیف ایڈمرل نوید اشرف اور سینئر سائنسدانوں و انجینئروں نے کیا۔ آئی ایس پی آر کا کہنا ہے کہ یہ کامیابی پاکستان کی تکنیکی مہارت اور قومی مفادات کے تحفظ کے لیے پاک بحریہ کے پختہ عزم کا ثبوت ہے۔
صدر مملکت، وزیراعظم، فیلڈ مارشل اور چیئرمین جوائنٹ چیفس آف اسٹاف کمیٹی نے کامیاب تجربے پر شریک یونٹس اور سائنسدانوں کو مبارکباد دی، جبکہ تمام سروسز چیفس نے بھی اس اہم کارنامے پر شریک یونٹس اور سائنسدانوں کو خراج تحسین پیش کیا۔
