نازیبا مواد اپ لوڈ کرنے اور غیر قانونی جوئے کی تشہیر کے الزام میں گرفتار یوٹیوبر سعد الرحمٰن المعروف ڈکی بھائی کو عدالت نے دس لاکھ روپے کے مچلکوں کے عوض ضمانت دے دی ہے۔
ضمانت کی درخواست پر سماعت پیر کو ہوئی، جس کی صدارت لاہور ہائیکورٹ کے جسٹس شہرام سرور نے کی۔ دلائل سننے کے بعد عدالت نے ڈکی بھائی کی ضمانت منظور کرتے ہوئے انہیں مچلکوں کی شرط پر رہا کرنے کا حکم دیا۔
وفاقی آئینی عدالت کی چاروں صوبوں میں رجسٹریاں قائم کرنے کا فیصلہ
یاد رہے کہ ڈکی بھائی پر الزام تھا کہ انہوں نے اپنے یوٹیوب چینل کے ذریعے غیر قانونی جوئے کی ایپلیکیشنز کی تشہیر کی، جس کے تحت 17 اگست کی نصف شب نیشنل کرائم ایجنسی لاہور نے ریاست کی مدعیت میں ان کے خلاف مقدمہ درج کیا تھا۔
واضح رہے کہ یوٹیوبر سعد الرحمان عرف ڈکی بھائی کی اہلیہ اروب جتوئی کی شکایت پر سائبر کرائم ایجنسی کے 9 افسران کے خلاف بھی مقدمہ درج کیا گیا تھا۔
ایف آئی آر کے مطابق ان افسران نے ڈکی بھائی کو سوشل میڈیا کے ذریعے جوئے کی ایپس کی تشہیر کے مقدمے میں گرفتار کیا اور بعد ازاں ان سے کروڑوں روپے رشوت وصول کی اور ڈکی بھائی کے اکاؤنٹس سے ڈالر اپنے اکاؤنٹس میں منتقل کیے۔
