کینیا میں ایک چھوٹا طیارہ گر کر تباہ ہوگیا، جس میں سوار تمام 12 افراد کے ہلاک ہونے کا خدشہ ظاہر کیا جا رہا ہے۔ کینیا سول ایوی ایشن اتھارٹی (KCAA) کے مطابق یہ طیارہ ساحلی سیاحتی مقام ڈیانی سے روانہ ہوا اور ماسائی مارا نیشنل پارک کے نجی ایئر اسٹرپ کِچوا ٹیمبو کی جانب جا رہا تھا۔ حادثہ مقامی وقت کے مطابق صبح 5 بج کر 30 منٹ پر پیش آیا۔
نجی سکولوں میں 10 فیصد مفت تعلیم، بڑی خبر آگئی
اتھارٹی نے بتایا کہ طیارے میں 12 افراد سوار تھے اور حادثے کی وجوہات جاننے کے لیے تحقیقات شروع کر دی گئی ہیں، جبکہ امدادی ٹیمیں جائے وقوعہ پر پہنچ چکی ہیں۔ ابتدائی اطلاعات کے مطابق حادثہ ممکنہ طور پر موسم یا فنی خرابی کے باعث پیش آیا۔
یہ واقعہ ایسے وقت میں پیش آیا ہے جب گزشتہ اگست میں بھی نیروبی کے قریب امریف نامی طبی تنظیم کا ہلکا طیارہ گر کر تباہ ہوا تھا، جس میں 6 افراد ہلاک اور 2 زخمی ہوئے تھے۔
گزشتہ روز جنوبی بحیرہ چین میں بھی دو الگ الگ واقعات میں امریکی بحریہ کا ایک ہیلی کاپٹر اور ایک لڑاکا طیارہ گر کر تباہ ہوئے تھے، تاہم دونوں واقعات میں عملے کے تمام 5 ارکان کو بحفاظت نکال لیا گیا۔ ان دونوں حادثات کے درمیان محض آدھے گھنٹے کا وقفہ تھا۔
