ترکیہ میں طلاق کا ایک انوکھا معاہدہ خبروں میں نمایاں ہو گیا ہے۔ غیر ملکی خبر ایجنسی کے مطابق استنبول کے رہائشی بوغرا بی نے اپنی اہلیہ ایزگی بی سے باہمی رضامندی سے طلاق کے لیے درخواست دائر کی، تاہم اس معاہدے کی خاص بات یہ ہے کہ دونوں نے ایک دوسرے سے کسی مالی معاوضے یا گزر بسر الاؤنس کا مطالبہ نہیں کیا۔
دلچسپ پہلو یہ ہے کہ طلاق کے کاغذات میں ایک منفرد شق شامل کی گئی، جس کے تحت بوغرا بی اپنی ملکیت میں موجود دو بلیوں کی دیکھ بھال کے لیے ہر تین ماہ بعد ایزگی بی کو 10 ہزار لیرا ادا کریں گے۔ بلیاں ایزگی بی کے پاس ہی رہیں گی۔
ترکیہ میں اس معاہدے کو طلاق کے بعد پالتو جانوروں کی مالی کفالت کے حوالے سے ایک نئی مثال قرار دیا جا رہا ہے، جو مستقبل میں ایسے دیگر مقدمات کے لیے نظیر بن سکتی ہے۔
