پانچ سال کے وقفے کے بعد قومی ایئرلائن پی آئی اے کی اسلام آباد سے مانچسٹر کے لیے براہ راست پرواز بحال ہوگئی۔
ترجمان پی آئی اے کے مطابق بوئنگ 777 طیارہ اسلام آباد سے روانہ ہوا جو تقریباً پانچ گھنٹے کے سفر کے بعد مقامی وقت کے مطابق شام پانچ بجے مانچسٹر ایئرپورٹ پر لینڈ کرے گا۔ ترجمان نے بتایا کہ مانچسٹر ایئرپورٹ پر پرواز کی آمد پر خصوصی استقبالیہ تقریب کا اہتمام کیا گیا ہے۔
اس سے قبل وفاقی وزیر برائے ہوابازی و دفاع خواجہ آصف نے برطانیہ کے لیے قومی ایئرلائن کے فلائٹ آپریشن کی بحالی کا افتتاح کیا۔ تقریب میں برطانوی ہائی کمشنر جین میریٹ بھی شریک تھیں۔
پی آئی اے کی یہ پرواز اسلام آباد اور برطانیہ کے درمیان فضائی رابطوں کی بحالی میں ایک اہم پیشرفت قرار دی جا رہی ہے۔
