پاکستان کا میڈیکل سائنس میں اہم کارنامہ ، ملک میں پہلی بار جدید ایکسرے مشین تیار کر لی

پاکستان نے میڈیکل سائنس کے شعبے میں اہم کامیابی حاصل کرتے ہوئے پہلی بار مقامی طور پر جدید ایکسرے مشین تیار کرلی ہے، جس کی عالمی مارکیٹ میں قیمت 20 سے 25 ملین روپے ہے۔

چین کے اشتراک سے تیار کی گئی اس مشین کو "I Care 50X” کا نام دیا گیا ہے، جس کے تمام پرزے مقامی طور پر دستیاب ہوں گے۔ یہ مشین ہیلتھ ایشیا ایکسپو 2025 میں توجہ کا مرکز بنی، جہاں ماہرین نے شرکاء کو اس کی خصوصیات اور افادیت سے آگاہ کیا۔

یورپی یونین کا یوکرین کی مالی ضروریات پوری کرنے کا اعلان

"I Care 50X” جدید ٹیکنالوجی سے لیس ہے اور صرف 10 سیکنڈ میں ایکسرے فوٹیج فراہم کرتی ہے۔ اس کی ریڈیالوجی شعاعوں کی شدت کم ہونے کے باعث مریضوں کے لیے محفوظ تشخیص ممکن ہوتی ہے۔

یہ منصوبہ 2020 میں شروع ہوا اور پانچ سال کی محنت کے بعد پایہ تکمیل کو پہنچا۔ ماہرین کے مطابق عالمی سطح پر 25 ملین روپے مالیت کی اس مشین کو پاکستان میں صرف 3 سے 4 ملین روپے لاگت سے تیار کیا گیا ہے۔

ملک کے مختلف اسپتالوں میں اس مشین کا استعمال شروع ہوچکا ہے، جسے پاکستان کی میڈیکل انڈسٹری کے لیے ایک بڑی پیش رفت قرار دیا جا رہا ہے۔