پنجاب حکومت نے سرکاری ملازمین اور پنشنرز کے لیے ایک خوشخبری سناتے ہوئے اعلان کیا ہے کہ تنخواہیں اور پنشن معمول سے پہلے ادا کی جائیں گی۔
پنجاب فنانس ڈیپارٹمنٹ کے جاری کردہ نوٹیفکیشن کے مطابق اکتوبر 2025 کی تنخواہیں اور پنشن جمعہ 31 اکتوبر کو جاری کی جائیں گی۔ محکمے کا کہنا ہے کہ یکم اور دو نومبر ہفتہ اور اتوار کی تعطیلات کے باعث بروقت ادائیگی کو یقینی بنانے کے لیے یہ فیصلہ کیا گیا ہے۔
ملاپ یونٹ 15 سندھ پولیس اور میرا پیارا ٹیم کا مثالی تعاون,لاوارث بچی کو والدہ کے حوالے کر دیا گیا
سیکشن آفیسر محمد یونس کے دستخط سے جاری مراسلے میں اکاؤنٹنٹ جنرل پنجاب اور تمام ضلعی اکاؤنٹس افسران کو ہدایت کی گئی ہے کہ تنخواہوں اور پنشن کی ادائیگی کا عمل 31 اکتوبر تک مکمل کیا جائے۔
یہ مراسلہ تمام انتظامی سیکریٹریز، کمشنرز، ڈپٹی کمشنرز، ماتحت محکموں کے سربراہان کے علاوہ رجسٹرار لاہور ہائی کورٹ، ڈسٹرکٹ اینڈ سیشن ججز، گورنر اور وزیراعلیٰ کے دفاتر کو بھی ارسال کیا گیا ہے تاکہ فیصلے پر فوری عملدرآمد یقینی بنایا جا سکے۔
