بلوچستان کے علاقے دالبندین میں سیکیورٹی فورسز نے فتنہ الہندوستان کے خلاف کارروائی کرتے ہوئے 6 دہشت گردوں کو ہلاک کر دیا۔
سیکیورٹی ذرائع کے مطابق فورسز نے کامیاب آپریشن کے دوران فتنہ الہندوستان کی تشکیل کو مکمل طور پر ختم کر دیا۔
جمہوریت کے لیے نوجوانوں کا کردار
ذرائع کا کہنا ہے کہ دہشت گرد ایک پہاڑی غار میں پناہ لیے ہوئے تھے، جن پر فضائی نگرانی کے ذریعے مسلسل نظر رکھی گئی۔ بعد ازاں مناسب وقت پر ان کے ٹھکانے کو مؤثر طریقے سے نشانہ بنایا گیا۔
فورسز نے بتایا کہ کارروائی کے دوران تمام 6 دہشت گرد مارے گئے۔ یہ کامیابی سیکیورٹی فورسز اور خفیہ اداروں کے درمیان بہترین ہم آہنگی اور مؤثر رابطے کا نتیجہ ہے۔
ذرائع کے مطابق بلوچستان میں دہشت گردی کے مکمل خاتمے تک سیکیورٹی فورسز کی کارروائیاں جاری رہیں گی۔
