لاہور: پاکستان کرکٹ ٹیم کے مایہ ناز بلے باز بابر اعظم نے ورلڈ ٹیسٹ چیمپئن شپ میں ایک اہم سنگ میل عبور کر لیا۔
اتوار کو قذافی اسٹیڈیم لاہور میں جنوبی افریقہ کے خلاف دو ٹیسٹ میچوں کی سیریز کے پہلے میچ کے دوران بابر اعظم نے شاندار کارکردگی دکھاتے ہوئے ورلڈ ٹیسٹ چیمپئن شپ میں 3 ہزار رنز مکمل کر لیے۔
تعمیراتی کام کرنیوالوں کیلئے اہم خبر ، سیمنٹ کی قیمتوں میں کمی کر دی گئی ، کتنی ؟ جانئے
جنوبی افریقہ کے خلاف پہلی اننگز میں بابر اعظم نے 23 رنز بنائے، جس کے ساتھ ہی وہ ورلڈ ٹیسٹ چیمپئن شپ کی تاریخ میں 3 ہزار رنز مکمل کرنے والے پہلے ایشیائی کھلاڑی بن گئے۔
دائیں ہاتھ کے بلے باز نے یہ کارنامہ اپنے 37ویں ٹیسٹ میچ میں انجام دیا۔ اب تک وہ اس چیمپئن شپ میں 18 نصف سنچریاں اور 8 سنچریاں اسکور کر چکے ہیں۔
بابر اعظم کے علاوہ انگلینڈ کے جو روٹ، بین اسٹوکس، زیک کرالی اور آسٹریلیا کے اسٹیو اسمتھ، مارنس لبوشین، ٹریوس ہیڈ اور عثمان خواجہ بھی ورلڈ ٹیسٹ چیمپئن شپ میں 3 ہزار رنز کا سنگ میل عبور کر چکے ہیں۔
ورلڈ ٹیسٹ چیمپئن شپ میں سب سے زیادہ رنز بنانے کا ریکارڈ انگلینڈ کے جو روٹ کے پاس ہے، جنہوں نے 69 میچوں میں 6 ہزار 80 رنز اسکور کیے ہیں۔
