چیئرمین نوبیل کمیٹی یورگن واٹنے کا سابق امریکی صدر ڈونلڈ ٹرمپ کو نوبیل انعام نہ دینے سے متعلق بیان سامنے آ گیا ہے۔
نوبیل امن انعام کے اعلان کے بعد جب یورگن واٹنے سے سوال کیا گیا کہ صدر ٹرمپ بارہا خود کو نوبیل انعام کا حقدار قرار دیتے رہے ہیں اور انعام نہ ملنے کو امریکا کی توہین قرار دیا، تو انہوں نے وضاحت کی کہ نوبیل امن انعام کی طویل تاریخ میں کمیٹی نے ایسی کئی مہمات دیکھی ہیں۔
انہوں نے کہا کہ کمیٹی کو ہر سال ہزاروں خطوط موصول ہوتے ہیں جن میں لوگ امن سے متعلق اپنی آرا دیتے ہیں۔ یورگن واٹنے کے مطابق کمیٹی ایک ایسے کمرے میں بیٹھتی ہے جس کی دیواروں پر تمام سابق انعام یافتگان کی تصاویر آویزاں ہیں، جو جرات اور دیانت داری کی علامت ہیں۔
انہوں نے مزید کہا کہ نوبیل امن انعام دینے کا فیصلہ ہمیشہ الفریڈ نوبیل کے نظریات اور وصیت کی بنیاد پر کیا جاتا ہے۔
