پاکستان کی پہلی اقتصادی شماری 2023 کے اہم نتائج کی تفصیلات جاری کر دیئے گئے۔
رپورٹ کے مطابق پاکستان میں 6 لاکھ 403 مساجد اور36 ہزار 331 دینی مدرسے ہیں، تعلیمی اداروں کی مجموعی تعداد 3 لاکھ 26 ہزار 868 ہے، 2 لاکھ 42 ہزار اسکول، 11 ہزار 568 کالجز، 214 جامعات ہیں۔
وفاقی ادارہ شماریات کے مطابق پاکستان میں ہوٹلوں کی تعداد اسپتالوں سے بھی زیادہ نکلی، ملک میں 2 لاکھ 56 ہزار ہوٹل جبکہ ایک لاکھ 19 ہزار 789 اسپتال ہیں۔
ملک میں 95 فیصد کاروباری اداروں میں ملازمین کی تعداد 10 سے کم ہیں، پاکستان میں کاروباری اداروں یا دکانوں کی تعداد 70 لاکھ سے زائد ہے، سب سے زیادہ ہول سیل، ریٹیل سیکٹر میں 29 لاکھ ادارے ہیں۔ ان میں سے پرچون فروش 27 لاکھ، ہول سیل دکانیں 1 لاکھ 88 ہزار ہیں۔
ادارہ شماریات کے مطابق زراعت، جنگلات، فشنگ سے متعلق اداروں کی تعداد 11 لاکھ ہے، خدمات کے شعبے میں کاروباری اداروں کی تعداد 9 لاکھ 45 ہزار سے زیادہ ہے۔ ملک میں سروس شاپس 8 لاکھ 25 ہزار، فیکٹریز کی تعداد 23 ہزار ہے۔
پاکستان میں پیداواری شاپس کی تعداد 6 لاکھ 43 ہزار ہے، مینوفیکچرنگ یونٹس کی تعداد 6 لاکھ 96 ہزار 558 ہے، پاکستان میں ہوسٹلز کی تعداد 16 ہزار 565 سے زیادہ ہے، انسانی صحت، سماجی ورک کے اداروں کی تعداد 1 لاکھ 23 ہزار 937 ہے، پاکستان میں سرکاری تنظیموں کی تعداد 29 ہزار 836 ہے۔
