پاکستان ٹیلی کمیونیکیشن اتھارٹی (پی ٹی اے) نے ملک بھر میں سیٹلائٹ انٹرنیٹ سروس سے متعلق بڑا فیصلہ کر لیا ہے۔ اب پورے پاکستان میں سیٹلائٹ انٹرنیٹ فراہم کرنے کے لیے صرف ایک لائسنس جاری کیا جائے گا۔ اس مقصد کے لیے نیا لائسنس تیار کر لیا گیا ہے، جو ٹیلی کام پالیسی 2015 کی بنیاد پر بنایا گیا ہے۔
پی ٹی اے کے ذرائع کے مطابق، اس نئے نظام کے تحت سیٹلائٹ انٹرنیٹ فراہم کرنے والی کمپنیوں کو علیحدہ لوکل لوپ لائسنس حاصل کرنے کی ضرورت نہیں ہوگی۔ ماضی میں ملک بھر میں سروس فراہم کرنے کے لیے 14 مختلف لائسنس درکار ہوتے تھے، مگر اب ایک ہی لائسنس پورے پاکستان میں آپریشن کے لیے کافی ہوگا۔ یہ لائسنس صرف ان سیٹلائٹ کمپنیوں کو دیا جائے گا جو پی ایس اے آر بی کے ساتھ رجسٹرڈ ہوں۔
اسٹارلنک اس وقت 14 لوکل لوپ لائسنس کے لیے درخواست دے چکی ہے، لیکن نئے طریقہ کار کے بعد اسے 14 ایل ڈی آئی لائسنس کی بجائے ایک ہی لائسنس مل سکے گا۔ البتہ، نئے لائسنس کے اجرا کے باوجود ایل ڈی آئی کمپنیوں کے پرانے لائسنس بدستور برقرار رہیں گے۔
