لاہور(نمائندہ خصوصی)ترجمان لاہورپولیس نے کہا ہے کہ رواں سال منشیات کے گھناؤنے کاروبار کے خلاف کریک ڈاؤن میں 5158مقدمات درج،5323ملزمان گرفتارکئے گئے۔
ترجمان نے جاری ایک بیان میں کہاکہ رفتار ملزمان کے قبضہ سے3712کلو سے زائد چرس،177کلو سے زائد ہیروئن،104کلو سے زائد آئس اور36905لیٹر شراب برآمدکی گئی۔
سٹی ڈویژن میں منشیات کے1174ملزمان،کینٹ میں 1082، سول لائنزمیں 562، صدر میں 715، اقبال ٹاؤن میں 850اورماڈل ٹاؤن میں 864ملزمان گرفتارکئے۔
سی سی پی او لاہورکے مطابق منشیات کے خاتمے کیلئے بڑے پیمانے پرکریک ڈاؤن جاری ہے۔
بلال صدیق کمیانہ نے کہاکہ منشیات کی اسمگلنگ اور استعمال کو روکنے کیلئے جامع حکمت عملی پر کاربند ہیں۔ منشیات کے نیٹ ورک کے خلاف بلا امتیاز کارروائیاں جاری ہیں۔
انہوں نے ہدایت کی کہ تعلیمی اداروں کے اطراف میں منشیات فروشوں کی بیخ کنی کیلئے انٹیلی جنس بیسڈ آپریشنزمیں تیزی لائی جائے۔
منشیات کے آن لائن کاروبار میں ملوث ملزمان کی سرکوبی کیلئے جدید ٹیکنالوجی سے بھرپور استفادہ کیا جا رہا ہے۔
انہوں نے کہاکہ منشیات کے مکروہ دھندے کی سپلائی چین میں ملوث ملزمان کی گرفتاری کیلئے ٹارگیٹڈآپریشنز کئے جا رہے ہیں۔،سپروائزری افسران انسداد منشیات آپریشنز کی خود نگرانی کریں۔
سی سی پی او لاہور نے کہاکہ متعلقہ اداروں کے اشتراک سے منشیات کے مسئلے کو مستقل بنیادوں پر حل کیا جائے گا۔،والدین اپنے بچوں کی سرگرمیوں پر کڑی نظر رکھیں۔
مزیدخبروں کے لئے ہمارے آفیشل فیس بک،ٹوئٹراورواٹس ایپ چینل کو فالوکریں
