اسلام آباد(نیوزڈیسک)ملک میں کل ضمنی الیکشن ہونے جارہے ہیں۔
اس حوالے سے وفاقی حکومت نے سول آرمڈ فورسز اور پاک فوج کے دستے تعینات کرنیکی منظوری دے دی، جب کہ محکمہ داخلہ پنجاب نے موبائل اور انٹرنیٹ سروس بند کرنے کی سفارش کی ہے۔
دوسری طرف ضمنی انتخابات کے لیے سامان کی ترسیل کی کوریج پر بھی پابندی عائد ہے۔
اتوار کو قومی اسمبلی کی 5 اور صوبائی اسمبلی کی 16 نشستوں پر ضمنی انتخابات ہوں گے۔
ضمنی انتخابات میں سکیورٹی کے لیے وفاقی حکومت نے سول آرمڈ فورسز اور پاک فوج کے دستے تعینات کرنیکی منظوری دے دی۔
دستے دو روز کیلئے دستیاب ہوں گے، فورسز کوئیک رسپانس فورس کے طور پر استعمال ہوں گی۔
موبائل اور انٹرنیٹ سروس بند کرنے کی سفارش
محکمہ داخلہ پنجاب نے وفاقی وزارت داخلہ کو خط لکھا ہے۔ 13 اضلاع و تحصیلوں میں موبائل اور انٹرنیٹ سروس معطل کی جائے۔
محکمہ داخلہ کے خط کی کاپی چیف سیکرٹری، آئی جی، چیئرمین پی ٹی اے کو ارسال کردی گئی ہے۔
سامان کی ترسیل کی کوریج پر پابندی
ترجمان الیکشن کمیشن کا کہنا ہے کہ ضمنی انتخابات کے لیے سامان کی ترسیل کی کوریج پر پابندی ہے۔
کوریج پر پابندی ڈی آر او نیعائد کی، کیونکہ جنرل الیکشن پر آر او آفس کے شیشے ٹوٹے تھے۔
ترجمان نے مزید بتایا کہ کوریج کے باعث سامان کی ترسیل میں خلل پیدا ہوتا ہے، الیکشن کمیشن ترسیل کی فوٹیجز خود جاری کر ے گا۔
