راولپنڈی(نیوزڈیسک)امریکی سفارتخانے کے وفد نے اڈیالہ جیل کا دورہ کیا۔

جیل ذرائع کے مطابق امریکی سفارتخانے کے 3 رکنی وفد کو مجرم ظاہر جعفر تک قونصلر رسائی دی گئی، وفد کی مجرم ظاہر جعفر سے ملاقات ڈپٹی سپرنٹنڈنٹ روم میں کرائی گئی۔
ذرائع کا کہنا ہے کہ امریکی سفارتخانے کے وفد میں مائیکل مرفی، اسامہ حنیف اور نوید غازی شامل تھے، 30 منٹ کی ملاقات کے بعد امریکی سفارتخانے کا وفد اڈیالہ جیل سے واپس روانہ ہو گیا۔
مجرم ظاہر جعفر سابق سفارتکار کی بیٹی نور مقدم کے قتل کیس میں عدالتی سزا کے بعد قید ہے۔
