سربراہ پاک فضائیہ جنرل ظہیر احمد بابر سدھو نے کہا ہے کہ پاک فضائیہ نے بھارت کی خودمختاری کی خلاف ورزی کا مقابلہ کرتے ہوئے اس کے جدید ترین طیارے مار گرائے تھے اور اگر مستقبل میں قومی خودمختاری کو دوبارہ چیلنج کیا گیا تو دشمن پاک فضائیہ کو پہلے سے کہیں زیادہ مضبوط پائے گا۔
رسالپور اکیڈمی میں ایک تقریب سے خطاب کرتے ہوئے انہوں نے کہا کہ سعودی کیڈٹس کی موجودگی دونوں ممالک اور ان کی مسلح افواج کے درمیان مضبوط دوستی کی علامت ہے۔ انہوں نے کیڈٹس کو مخاطب کرتے ہوئے کہا کہ انہیں وطن کی فضائی سرحدوں کے تحفظ کی ذمہ داری سونپی گئی ہے۔
خاتون کے بال کاٹنے کے مقدمہ میں نامزد 3 مرکزی ملزمان گرفتار
سربراہ پاک فضائیہ نے مزید کہا کہ پوری قوم کی امیدیں نوجوانوں کے کندھوں پر ہیں۔ انہوں نے یہ بھی کہا کہ معرکہ حق کی کامیابی قومی طاقت کے متحدہ کردار اور اللہ کی رحمت کا نتیجہ تھی، جو تینوں افواج کی ہم آہنگی، جارحانہ فیصلہ سازی اور فیلڈ مارشل سید عاصم منیر کی قیادت میں ممکن ہوئی۔
ان کا کہنا تھا کہ پاک فضائیہ نے محدود وسائل کے باوجود اپنی آپریشنل ڈاکٹرائن کو جدید جنگی تصورات کے مطابق ڈھالا ہے اور جدت طرازی کی جارحانہ حکمت عملی اپنائی ہے۔ انہوں نے کہا کہ پاک فضائیہ نے اسمارٹ انڈکشن پروگرام کے ذریعے ریکارڈ وقت میں جدید لڑاکا طیارے اور ٹیکنالوجیز حاصل کی ہیں۔
انہوں نے پاک فضائیہ کے تمام اراکین کی پیشہ ورانہ صلاحیتوں اور قربانیوں کو سراہا اور کہا کہ پوری قوم ان کی ہمت پر فخر کرتی ہے۔ آرمی چیف نے زور دے کر کہا کہ پاکستان ایک پرامن ملک ہے جو سب کے ساتھ دوستانہ تعلقات چاہتا ہے، لیکن وطن کی سرحدوں کی حفاظت کے لیے ہر قسم کی قربانی دینے کے لیے تیار ہے۔
