پاک فوج اور چین کی پیپلز لبریشن آرمی کی مشترکہ فوجی مشق *وارئیر 9* کا آغاز ہو چکا ہے۔ پاک فوج کے شعبۂ تعلقات عامہ کے مطابق یہ دو طرفہ انسدادِ دہشتگردی مشقوں کا نواں ایڈیشن ہے جو ہر سال منعقد کی جاتی ہیں۔
سعودی عرب نے فلسطین کیلئے 9 کروڑ ڈالر کی گرانٹ جاری کردی
مشق وارئیر یکم دسمبر 2025 سے شروع ہوئی اور اس کا بنیادی محور انسدادِ دہشتگردی آپریشنز ہیں۔ ان مشقوں کا مقصد دونوں ممالک کی افواج کے درمیان باہمی رابطہ کاری کو مضبوط بنانا اور پیشہ ورانہ مہارتوں میں مزید بہتری لانا ہے۔ مشق کے دوران جدید جنگی تقاضوں کے مطابق بہترین طریقہ کار کا تبادلہ کیا جائے گا۔
آئی ایس پی آر کے مطابق پاک چین دفاعی تعاون باہمی اعتماد اور اسٹریٹجک شراکت داری کی بنیاد پر قائم ہے، جبکہ وارئیر 9 دونوں ممالک کے مضبوط عسکری تعلقات کی اہم علامت ہے۔
افتتاحی تقریب نیشنل کاؤنٹر ٹیررازم سینٹر پبی میں منعقد ہوئی، جس میں کور کمانڈر منگلا اور چین کی پیپلز لبریشن آرمی کے ڈپٹی چیف آف اسٹاف نے شرکت کی۔
