امریکی صدر ڈونلڈ ٹرمپ نے وائٹ ہاؤس کے قریب نیشنل گارڈ کے اہلکاروں پر فائرنگ کے واقعے کو پوری امریکی قوم اور انسانیت کے خلاف جرم قرار دیا ہے۔
صدر ٹرمپ نے واقعے سے متعلق اپنے بیان میں فائرنگ کرنے والے شخص کو سخت الفاظ میں تنقید کا نشانہ بناتے ہوئے خبردار کیا کہ نیشنل گارڈ کے اہلکاروں پر حملہ کرنے والے کو بھاری قیمت چکانی ہوگی۔ انہوں نے اس واقعے کو نفرت اور برائی کی علامت قرار دیتے ہوئے اسے دہشت گردانہ کارروائی قرار دیا۔
ایس آئی ایف سی کی بلیو اکانومی سے مستفید ہونے کی حکمت عملی تیار
صدر ٹرمپ نے کہا کہ ہوم لینڈ سیکیورٹی کے مطابق مشتبہ شخص 2021 میں افغانستان سے امریکا میں داخل ہوا تھا۔ انہوں نے زور دے کر کہا کہ سابق صدر بائیڈن کے دور میں افغانستان سے داخل ہونے والے ہر غیر ملکی کی دوبارہ جانچ ضروری ہے۔
ٹرمپ نے اس واقعے کو امیگریشن اور سیکیورٹی پالیسیوں کی ناکامی قرار دیتے ہوئے اعلان کیا کہ اب ہر اس افغان پناہ گزین کی دوبارہ جانچ کی جائے گی جنہیں 2021 کے بعد امریکہ میں داخل کیا گیا۔
صدر ٹرمپ نے دارالحکومت میں سیکیورٹی کے انتظامات مزید سخت کرتے ہوئے فوراً مزید پانچ سو اضافی سیکیورٹی اہلکار تعینات کرنے کا حکم دیا۔ انہوں نے واضح کیا کہ جو لوگ امریکا سے محبت نہیں کرتے، انہیں یہاں رہنے کی اجازت نہیں دی جائے گی۔
