شرجیل میمن نے کہا ہے کہ ملک بھر میں بلدیاتی اداروں کو سب سے زیادہ بااختیار پیپلز پارٹی نے بنایا ہے۔
شرجیل میمن نے ایم کیو ایم رہنما حیدر عباس رضوی کے بیان پر ردعمل دیتے ہوئے کہا کہ اگر ایم کیو ایم زیادہ شور مچاتی ہے تو وہ لاہور کا مقامی حکومتوں کا نظام کراچی میں لانے کو بھی تیار ہیں۔
سردیوں کی آمد سے قبل ہی کراچی میں گیس کی بدترین لوڈشیڈنگ
انہوں نے کہا کہ بلدیاتی نظام کے لیے پنجاب کی مثال دی جا رہی ہے جہاں ابھی تک بلدیاتی انتخابات ہی نہیں ہوئے۔ کراچی سندھ کا دل ہے اور ہماری اولین ترجیحات میں شامل ہے۔ اربوں روپے شہری انفراسٹرکچر اور بنیادی سہولیات پر خرچ کیے جا رہے ہیں۔
انہوں نے مزید کہا کہ سندھ حکومت کراچی میں شہری سہولیات اور بنیادی ڈھانچے کی ترقی پر بھرپور کام کر رہی ہے اور رکاوٹ ڈالنے کی کوششیں ناکام رہیں گی۔ ان کے مطابق کراچی جیسے کثیرالثقافتی شہر میں ہم آہنگی اور سماجی ترقی کو ایم کیو ایم کے سیاسی رویے نے نقصان پہنچایا۔
شرجیل میمن کا کہنا تھا کہ شہری سہولتوں، بنیادی ڈھانچے، تعلیم، صحت اور پانی و نکاسی کے نظام کی بہتری پر ایم کیو ایم اگر توجہ دیتی تو آج انگلیاں نہ اٹھتیں۔
انہوں نے کہا کہ ہمارا کام خود بولتا ہے، کراچی میں اربوں روپے کے منصوبے جاری ہیں جبکہ ایم کیو ایم ان میں رکاوٹ ڈالنے میں مصروف ہے۔ ای وی بس سروس، پیپلز بس سروس، پنک بس سروس، شاہراہ بھٹو، تاج حیدر پل، پنک اسکوٹیز اور بی آر ٹیز جیسے منصوبے ایم کیو ایم بھی شروع کر سکتی تھی مگر ان کی نیت نہیں تھی۔
