نیویارک کے نومنتخب میئر ظہران ممدانی نے کہا ہے کہ صدر ٹرمپ کے بارے میں ملاقات سے پہلے جو کچھ وہ کہہ چکے ہیں، اب بھی اسی مؤقف پر قائم ہیں۔
آئی ایم ایف کا کرپشن کے خاتمے کیلئے ایف آئی اے اور صوبائی اداروں میں اصلاحات کا مطالبہ
ایک انٹرویو کے دوران ان سے پوچھا گیا کہ کیا وہ صدر ٹرمپ کو فاشسٹ سمجھتے ہیں اور انہوں نے انہیں جمہوریت کا دشمن سمیت دیگر ناموں سے بھی پکارا ہے؟ اس پر ظہران ممدانی نے واضح جواب دیتے ہوئے کہا کہ وہ جو کچھ کہہ چکے ہیں، اس پر قائم ہیں۔
ظہران ممدانی نے بتایا کہ امریکی صدر سے ملاقات میں نیویارک سٹی کے مسائل پر کھل کر بات کی گئی، امیگریشن سے لے کر شہریوں کی رہائش، معیشت اور سکیورٹی سمیت تمام امور پر واضح گفتگو ہوئی۔
انہوں نے کہا کہ وہ ماضی کی طرح شہر کو محفوظ درجہ دینے کی پالیسی پر قائم ہیں لیکن مختلف علاقوں سے امیگریشن حکام کے چھاپوں اور گرفتاریوں کی اطلاعات موصول ہو رہی ہیں۔
واضح رہے کہ ظہران ممدانی نے ریپبلکن اور ٹرمپ کے حمایت یافتہ آزاد امیدوار کو شکست دے کر نیویارک کے میئر کا انتخاب جیتا تھا اور وہ یکم جنوری کو اپنا عہدہ سنبھالیں گے۔
