بھارتی اداکار نوازالدین صدیقی نے انکشاف کیا ہے کہ کیریئر کے ابتدائی دور میں فلموں میں بار بار مار کھانے والے کرداروں کی وجہ سے ان کے والد نے انہیں گھر آنے سے منع کر دیا تھا۔ ایک حالیہ انٹرویو میں انہوں نے بتایا کہ سرفروش اور منا بھائی ایم بی بی ایس جیسی فلموں میں ان کی پٹائی کے مناظر والد کے لیے شرمندگی کا باعث بنتے تھے، جبکہ گاؤں کے لوگ بھی طعنے دیتے تھے کہ وہ ہر فلم میں مار کھاتے نظر آتے ہیں۔
چیٹ جی پی ٹی کا نیا فیچر جو اسے ہمیشہ کیلئے بدل دے گا
نوازالدین کے مطابق اس دور میں انہیں چور، جیب کترے اور کمزور کردار ہی ملتے تھے اور وہ بہتر کردار کی تلاش میں تھے۔ اسی دوران والد نے سختی سے کہہ دیا تھا کہ جب تک اچھے رول نہ ملیں گھر واپسی نہ کریں، جس کے باعث وہ تین سال تک گاؤں نہیں گئے۔
انہوں نے بتایا کہ گینگز آف واسع پور ان کے کیریئر کا اہم موڑ ثابت ہوئی۔ اس فلم کی کامیابی کے بعد جب وہ گاؤں واپس پہنچے تو والد نے پہلی مرتبہ ان کے کام کو سراہا اور کہا کہ انہوں نے واقعی اچھا کردار ادا کیا ہے۔
