وفاقی آئینی عدالت کے تین ججز نے اپنے عہدوں کا حلف اٹھا لیا ہے۔ پہلے مرحلے میں جسٹس حسن اظہر رضوی، جسٹس علی باقر نجفی اور جسٹس عامر فاروق نے حلف لیا۔ حلف برداری کی تقریب میں عدالت کے پہلے چیف جسٹس امین الدین خان نے انہیں حلف دلایا۔ اس موقع پر اسلام آباد ہائی کورٹ کے چیف جسٹس سرفراز ڈوگر بھی موجود تھے۔
پیپلزپارٹی نے فیصل راٹھور کو وزیراعظم آزاد کشمیر کیلئے نامزد کردیا
اس سے قبل وزارتِ قانون نے وفاقی آئینی عدالت کے ججز کی تقرری کا نوٹیفکیشن جاری کیا تھا، جس کے مطابق عدالت میں مجموعی طور پر چھ ججز شامل ہوں گے۔ ان میں جسٹس حسن اظہر رضوی، جسٹس عامر فاروق، جسٹس علی باقر نجفی، جسٹس کے کے آغا، بلوچستان سے جسٹس روزی خان اور پشاور ہائی کورٹ سے جسٹس ارشد حسین شاہ شامل ہیں۔
واضح رہے کہ 27 ویں آئینی ترمیم پر تحفظات کے باعث سپریم کورٹ کے جج جسٹس منصور علی شاہ اور جسٹس اطہر من اللہ گزشتہ روز اپنے عہدوں سے مستعفی ہو گئے تھے۔
