طرابلس، لیبیا کے ساحل کے قریب تارکین وطن کی ایک کشتی کے الٹ جانے سے بیالیس افراد لاپتہ ہو گئے ہیں، جبکہ سات افراد کو زندہ بچا لیا گیا ہے۔ بین الاقوامی خبررساں ادارے کے مطابق کشتی میں کل انچاس افراد سوار تھے، جو غیرقانونی طور پر یورپ جانے کی کوشش کر رہے تھے۔
27 ویں آئینی ترمیم سے متعلق جسٹس محسن اختر کیانی کے دلچسپ ریمارکس
یہ واقعہ چھ روز قبل پیش آیا جب کشتی نے مغربی لیبیا کے ساحلی شہر زوارہ سے سفر شروع کیا تھا۔ سفر کے دوران موسم کی خرابی اور اونچی لہروں کے باعث کشتی الٹ گئی۔ بچائے گئے افراد کو طبی امداد کے لیے قریبی مرکز منتقل کر دیا گیا ہے، جبکہ لاپتہ افراد کی تلاش کے لیے سمندری اور فضائی آپریشن جاری ہے۔
اقوام متحدہ کے ادارہ برائے مہاجرین کے مطابق اس سال اب تک بحر روم عبور کرنے کی کوشش میں سیکڑوں افراد جاں بحق ہو چکے ہیں۔ ماہرین نے ایسے واقعات کے تدارک کے لیے محفوظ اور قانونی راستوں کے قیام پر زور دیا ہے، تاکہ انسانی اسمگلنگ کے خطرناک نیٹ ورک کا خاتمہ کیا جا سکے۔
