اقوام متحدہ کی جنرل اسمبلی نے پاکستان کی جانب سے پیش کی گئی ہتھیاروں کے کنٹرول اور جوہری سلامتی سے متعلق چار قراردادیں منظور کر لیں۔
پہلی دو قراردادیں ’’علاقائی سطح پر تخفیف اسلحہ‘‘ اور ’’علاقائی و ذیلی علاقائی تناظر میں اعتماد سازی کے اقدامات‘‘ کے عنوان سے تھیں، جن کا مقصد اقوام کے درمیان تعاون اور اعتماد کو فروغ دینا اور تنازعات و تناؤ میں کمی لانا ہے۔
خیبر پختونخوا میں مزید 8 تاریخی مقامات کے آثار دریافت
تیسری قرارداد ’’علاقائی اور ذیلی علاقائی سطح پر روایتی ہتھیاروں کے کنٹرول‘‘ سے متعلق تھی، جسے کچھ مزاحمت کے باوجود 193 میں سے 186 رکن ممالک کی حمایت حاصل ہوئی۔
پاکستان کی چوتھی قرارداد ’’جوہری ہتھیاروں کے استعمال یا استعمال کے خطرے کے خلاف جوہری ہتھیار نہ رکھنے والی ریاستوں کے تحفظ کے لیے مؤثر بین الاقوامی انتظامات‘‘ کے عنوان سے تھی، جسے 123 ووٹوں سے منظور کیا گیا۔
اقوام متحدہ میں پاکستان کے مستقل مشن کے بیان کے مطابق ان قراردادوں کا مقصد جوہری ہتھیاروں کی تخفیف اور عالمی سطح پر سلامتی کے اقدامات کو مضبوط بنانا ہے۔
