سینیٹ کا اجلاس دو روز کے وقفے کے بعد کل صبح ساڑھے دس بجے دوبارہ طلب کیا گیا ہے، جس کا 13 نکاتی ایجنڈا جاری کر دیا گیا ہے۔ اجلاس میں آئین میں 27ویں ترمیم کو سپلیمنٹری ایجنڈے کے طور پر پیش کیا جائے گا، جبکہ ایف سی (تنظیم نو) آرڈیننس 2025 میں 120 روز کی توسیع کی قرارداد بھی پیش کی جائے گی۔ قرارداد کے مطابق آرڈیننس کی مدت 10 نومبر 2025 سے مزید چار ماہ کے لیے بڑھانے کی تجویز دی گئی ہے۔
بابر اعظم کی شہرت اور کامیابی کچھ سابق کرکٹرز کو ہضم نہیں ہو رہی: اعظم خان
تفصیلات کے مطابق، اجلاس میں فیڈرل پراسیکیوشن سروس ایکٹ 2023 میں ترمیمی بل پیش کیا جائے گا، جسے اسٹینڈنگ کمیٹی کی رپورٹ کے مطابق زیر غور لایا جائے گا۔ اس کے علاوہ کیپیٹل ڈویلپمنٹ اتھارٹی آرڈیننس 1960 اور نیشنل اسکول آف پبلک پالیسی آرڈیننس 2002 میں بھی ترمیمی بل پیش کیے جائیں گے۔
وزیر قانون اعظم نذیر تارڑ نیب آرڈیننس 1999 میں ترمیمی بل واپس لینے کی اجازت طلب کریں گے۔ نجی شعبے سے پرنسپل اکاؤنٹنگ آفیسرز کی تعیناتی کے خلاف توجہ دلاؤ نوٹس پر حکومت جواب دے گی، جبکہ سینیٹر عبدالشکور پوسٹل سروسز کے خالی عہدوں پر بھرتیاں نہ ہونے سے متعلق توجہ دلاؤ نوٹس پیش کریں گے۔
