اسلام آباد میں بانی پی ٹی آئی عمران خان کی اہلیہ بشریٰ بی بی اور سابق چیف جسٹس ثاقب نثار کے بیٹے نجم ثاقب کے خلاف آڈیو لیکس کیس میں اہم پیشرفت سامنے آئی ہے۔
خطرے سے دوچار ہمپ بیک وہیل کا بڑا گروہ بلوچستان کے ساحل پر نمودار
کیس کو جسٹس بابر ستار کی عدالت سے منتقل کرکے جسٹس اعظم خان کی عدالت میں مقرر کیا گیا ہے۔ مقدمے کی منتقلی کی وجہ جسٹس بابر ستار کا سنگل بینچ ختم ہونا بتائی گئی ہے۔
نجم ثاقب اور بشریٰ بی بی کی آڈیو لیکس سے متعلق دائر درخواستوں پر سماعت کل 4 نومبر کو جسٹس اعظم خان کریں گے۔
یاد رہے کہ سپریم کورٹ پہلے ہی اس آڈیو لیکس کیس میں حکم امتناع جاری کر چکی ہے، جس کے تحت اسلام آباد ہائیکورٹ کو مزید کارروائی سے روک دیا گیا تھا۔ یہ درخواستیں بشریٰ بی بی اور نجم ثاقب کی جانب سے دائر کی گئی تھیں۔
