بالی وڈ اداکار ابھیشیک بچن نے اپنے 25 سالہ فنی سفر میں پہلی مرتبہ بہترین اداکار کا فلم فیئر ایوارڈ حاصل کیا۔
بھارتی میڈیا کے مطابق، اتوار کو منعقد ہونے والی 70ویں فلم فیئر ایوارڈز کی تقریب میں ابھیشیک بچن کو 2024 کی فلم "I Want To Talk” میں شاندار اداکاری پر یہ اعزاز دیا گیا۔
یہ پہلا موقع تھا جب انہوں نے اپنے طویل کیریئر میں بہترین اداکار کا فلم فیئر ایوارڈ جیتا۔ اس موقع پر وہ کافی جذباتی دکھائی دیے اور اسٹیج پر آکر اپنے خاندان، خصوصاً اہلیہ ایشوریا رائے بچن، بیٹی آرادھیا اور والدین کا شکریہ ادا کیا۔
پاک فوج کی ٹیم کا شاندار کارنامہ
تقریب کے دوران تقریر کرتے ہوئے ابھیشیک بچن نے کہا کہ ان کے فلمی سفر کے 25 سال مکمل ہو گئے ہیں، اور وہ کئی بار یہ سوچ کر تقریر تیار کرتے رہے کہ شاید کسی دن انہیں یہ ایوارڈ ملے۔ انہوں نے کہا کہ یہ لمحہ ان کے لیے انتہائی خاص ہے، کیونکہ وہ اپنی فیملی کے سامنے یہ ایوارڈ حاصل کر رہے ہیں۔
انہوں نے فلم انڈسٹری کے تمام ساتھی اداکاروں، ہدایت کاروں اور پروڈیوسروں کا شکریہ ادا کیا جنہوں نے ان پر اعتماد کیا اور انہیں مواقع فراہم کیے۔ ان کے مطابق یہ 25 سال کا سفر آسان نہیں تھا لیکن بے حد قابلِ فخر رہا۔
تقریر کے اختتام پر ابھیشیک بچن نے اپنی بیوی ایشوریا اور بیٹی آرادھیا کے لیے پیغام دیا کہ وہ ان کے شکر گزار ہیں جنہوں نے ہمیشہ ساتھ دیا اور ان کے خوابوں کو پورا کرنے میں حوصلہ افزائی کی۔
یاد رہے کہ ابھیشیک بچن نے سال 2000 میں فلم "ریفیوجی” سے بالی وڈ میں ڈیبیو کیا تھا۔
