کابل: افغان اسپنر راشد خان نے بنگلہ دیش کے خلاف دوسرے ون ڈے میں شاندار کارکردگی دکھاتے ہوئے 5 وکٹیں حاصل کیں اور اس طرح سابق پاکستانی کپتان وسیم اکرم اور اسپنر ثقلین مشتاق کا ریکارڈ برابر کردیا۔
راشد خان نے اپنے ون ڈے کیریئر میں چھٹی بار 5 یا اس سے زائد وکٹیں حاصل کیں۔ اس سے قبل وسیم اکرم اور ثقلین مشتاق بھی پاکستان کی جانب سے 6،6 مرتبہ یہ کارنامہ انجام دے چکے ہیں۔
سہیل آفریدی نئے وزیراعلیٰ خیبر پختونخوا منتخب
راشد خان کے ساتھ اس فہرست میں بھارت کے محمد شامی، نیوزی لینڈ کے ٹرینٹ بولٹ اور جنوبی افریقہ کے لانس کلوسنر بھی شامل ہیں جنہوں نے 6،6 بار پانچ وکٹیں حاصل کیں۔
ون ڈے کرکٹ میں سب سے زیادہ پانچ وکٹیں لینے کا عالمی ریکارڈ پاکستان کے وقار یونس کے پاس ہے، جنہوں نے 13 مرتبہ یہ کارنامہ انجام دیا۔
سری لنکا کے اسپنر مرلی دھرن 10 بار پانچ وکٹیں لے کر دوسرے نمبر پر ہیں، جب کہ مچل اسٹارک، بریٹ لی اور شاہد آفریدی 9،9 بار پانچ وکٹیں حاصل کر کے تیسرے نمبر پر موجود ہیں۔
