گلگت، 27 اگست – وفاقی وزیر امور کشمیر و گلگت بلتستان اور مسلم لیگ (ن) خیبر پختونخوا کے صدر انجینئر امیر مقام نے سابق وزیراعلیٰ گلگت بلتستان اور مسلم لیگ (ن) گلگت بلتستان کے صدر حافظ حفیظ الرحمان کی رہائش گاہ پر جا کر ان کے بھتیجے دانیال سیف کے انتقال پر تعزیت کی۔
وفاقی وزیر نے نوجوان بھتیجے کی ناگہانی موت پر گہرے دکھ اور افسوس کا اظہار کرتے ہوئے مرحوم کے بڑے بھائی عادل سیف اور دیگر اہل خانہ سے دلی ہمدردی کا اظہار کیا۔ انہوں نے مرحوم کی مغفرت، بلندیٔ درجات اور اہل خانہ کے لیے صبر و استقامت کی دعا کی۔
انہوں نے کہا کہ کسی نوجوان عزیز کی موت ایک ناقابل برداشت سانحہ ہے، میری دعائیں اور نیک تمنائیں حافظ حفیظ الرحمان اور ان کے اہل خانہ کے ساتھ ہیں۔ اللہ تعالیٰ مرحوم کو جنت الفردوس میں اعلیٰ مقام عطا فرمائے اور اہل خانہ کو یہ صدمہ برداشت کرنے کی ہمت دے۔
اس موقع پر مسلم لیگ (ن) کے رہنماؤں میں نائب صدر گلگت بلتستان ثابت خان، نائب صدر شفیق الدین، ڈپٹی سیکریٹری اطلاعات محمد اشفاق، یوتھ ونگ کے جنرل سیکریٹری کمال حسین، ایم ایس ایف گلگت بلتستان کے صدر رضوان احمد راٹھور سمیت دیگر اہم شخصیات بھی موجود تھیں۔
