ڈسٹرکٹ اینڈ سیشن عدالت نے نومئی کیس میں پی ٹی آئی کے 63 کارکنوں کو رہا کرنے کا حکم دے دیا۔
جوڈیشل مجسٹریٹ مرید عباس نے محفوظ کیا گیا فیصلہ سنایا اور پی ٹی آئی کے 63 ورکرز کی ضمانت بعد از گرفتاری کی درخواستیں منظور کرلیں۔
عدالتی فیصلے کے مطابق پی ٹی آئی کے 40 کارکنان کی تھانہ مارگلہ کے مقدمہ میں ضمانتیں منظور ہوئیں اور 23 پی ٹی آئی کارکنان کی تھانہ انڈسٹریل ایریا کے مقدمہ میں ضمانتیں منظور ہوئیں اور عدالت نے انہیں رہا کرنے کا حکم دے دیا۔
پی ٹی آئی کارکنان کے خلاف اقدام قتل، ڈکیتی اور دیگر دفعات کے تحت مقدمات درج ہیں۔
