راولپنڈی: پاکستان تحریک انصاف (پی ٹی آئی) کے بانی چیئرمین اور سابق وزیراعظم عمران خان نے جیل میں دیسی ادویات کا استعمال شروع کر دیا ہے۔
ذرائع کے مطابق منگل کے روز سینٹرل جیل راولپنڈی میں پمز اسپتال کی میڈیکل ٹیم نے عمران خان کا طبی معائنہ کیا، جس دوران انہوں نے ٹیم کو بتایا کہ دو روز قبل انہیں پیٹ میں درد اور کئی دنوں سے قبض کی شکایت تھی۔ اس پر انہوں نے اپنی اہلیہ بشریٰ بی بی کے مشورے سے دیسی دوا "قرصِ ملین” استعمال کی، جس سے انہیں خاصا افاقہ ہوا۔
ذرائع کے مطابق عمران خان اپنی صحت برقرار رکھنے اور جسمانی توانائی بڑھانے کے لیے ایک ہربل دوا "Ginkgo Biloba” بھی باقاعدگی سے استعمال کر رہے ہیں۔
عمران خان کا کہنا تھا کہ ان کی اہلیہ بشریٰ بی بی دیسی ادویات کے بارے میں ان کی رہنمائی کرتی رہتی ہیں، جو ان کے لیے بہت مفید ثابت ہو رہی ہیں۔
