اسلام آباد فوڈ اتھارٹی کا چھاپہ، 25 من گدھے کا گوشت برآمد
لاہور کے بعد اسلام آباد میں بھی گدھے کے گوشت کی بڑی مقدار پکڑی گئی۔ فوڈ اتھارٹی نے ترنول کے علاقے میں کارروائی کرتے ہوئے 50 سے زائد گدھوں اور تقریباً 25 من گوشت برآمد کر لیا۔
ڈپٹی ڈائریکٹر فوڈ اتھارٹی ڈاکٹر طاہرہ صدیق کے مطابق کارروائی کے دوران ایک غیر ملکی شہری کو موقع پر گرفتار کر کے پولیس کے حوالے کر دیا گیا ہے۔ انہوں نے بتایا کہ یہ تحقیقات جاری ہیں کہ یہ گوشت کن علاقوں میں سپلائی کیا گیا۔
ابتدائی معلومات کے مطابق برآمد کیا گیا گوشت بیرون ملک بھیجا جاتا تھا۔ ڈاکٹر طاہرہ صدیق نے کہا کہ شہریوں کو محفوظ اور معیاری غذا کی فراہمی کے لیے فوڈ اتھارٹی دن رات متحرک ہے اور ایسے عناصر کے خلاف سخت کارروائی جاری رکھی جائے گی۔
