پی ٹی وی نے پریزیڈنٹ کپ کے فائنل میں شاندار کامیابی حاصل کرتے ہوئے سٹیٹ بینک کو 3 وکٹوں سے شکست دے کر چیمپئن بننے کا اعزاز حاصل کیا۔
اس میچ میں پی ٹی وی کے کھلاڑی شامل حسین نے دوسری اننگز میں 58 رنز کی میچ وننگ اننگز کھیلی، جبکہ امام الحق نے 21 اور محسن نے 19 رنز بنائے۔
پی ٹی وی کی شاندار بولنگ کی قیادت کاشف بھٹی نے کی، جنہوں نے 4 وکٹیں حاصل کیں۔ محمد عباس نے 2 وکٹیں لیں اور اسماعیل نے ایک وکٹ حاصل کی۔
سٹیٹ بینک کی ٹیم پہلی اننگز میں 205 رنز پر آل آؤٹ ہو گئی، جبکہ پی ٹی وی نے 317 رنز کا اسکور بنایا۔ دوسری اننگز میں سٹیٹ بینک نے 264 رنز بنائے اور پی ٹی وی کو میچ جیتنے کے لیے 153 رنز کا ہدف ملا۔
پی ٹی وی نے 7 وکٹوں کے نقصان پر یہ ہدف پورا کر لیا اور پریزیڈنٹ کپ گریڈ ون کا ٹائٹل جیتا۔
محمد شہزاد کی آل راؤنڈ پرفارمنس پر انہیں مین آف دی میچ قرار دیا گیا۔
