فیلڈ مارشل عاصم منیر ٹرمپ کے اِنر سرکل کے اسٹار بن کر ابھرے: واشنگٹن ٹائمز

امریکی جریدے واشنگٹن ٹائمز کے مطابق مئی کی پاک بھارت جنگ کے بعد فیلڈ مارشل عاصم منیر ڈونلڈ ٹرمپ کے اِنر سرکل کے اسٹار کے طور پر ابھرے۔

صدر ٹرمپ کی نئی پاکستان پالیسی نے وائٹ ہاؤس سے بھارت کی چھٹی کرادی

اخبار کے مطابق ٹرمپ اور عاصم منیر کے تعلق کو "ہاف جوکنگ برومانس” قرار دیا گیا، اور عاصم منیر کو Disciplined Dark Horse اور Deliberate Mystery جیسے القابات دیے گئے۔ وائٹ ہاؤس میں لنچ میٹنگ کو کسی پاکستانی فوجی سربراہ کے لیے پہلی مثال قرار دیا گیا۔

جریدے کے مطابق پاکستان کی ملٹری کارکردگی نے ٹرمپ کو حیران کر دیا اور 2025 کے پاک امریکا تعلقات کو انقلابی تبدیلی کا سال بنا دیا۔ فیلڈ مارشل کا سینٹ کام ہیڈکوارٹرز میں ریڈ کارپٹ استقبال کیا گیا اور امریکی عسکری قیادت کے ساتھ اعلیٰ سطحی اسٹریٹجک بات چیت ہوئی، جس کے بعد 2026 کے آغاز پر پاکستان کو ٹرمپ کی گرینڈ اسٹریٹیجی کے مرکز کے قریب دیکھا جا رہا ہے۔

واشنگٹن ٹائمز نے لکھا کہ نئی امریکی پالیسی کی پائیداری دہلی اور اسلام آباد کے رویے سے مشروط ہوگی، اور 2025 میں امریکی پالیسی اور جنوبی ایشیا کے توازن کو درست کرنے میں پاکستان اور فیلڈ مارشل عاصم منیر نے اہم کردار ادا کیا۔