اقوام متحدہ کی سلامتی کونسل کی تازہ رپورٹ میں طالبان کے اس دعوے کو مسترد کر دیا گیا ہے کہ افغان سرزمین دہشت گردی کے لیے استعمال نہیں ہو رہی۔ رپورٹ میں طالبان کے مؤقف کو ناقابلِ اعتبار قرار دیتے ہوئے خبردار کیا گیا ہے کہ خطے کے ہمسایہ ممالک تیزی سے افغانستان کو علاقائی عدم استحکام کی وجہ سمجھنے لگے ہیں۔
پاکستان ٹوبیکو کمپنی کا غیر قانونی سگریٹ سیل کے خلاف سخت کارروائی کا مطالبہ
اقوام متحدہ کی تجزیاتی معاونت اور پابندیوں کی نگرانی کرنے والی ٹیم کی 16ویں رپورٹ کے مطابق طالبان مسلسل اس بات کی تردید کرتے رہے ہیں کہ افغانستان میں کسی دہشت گرد تنظیم کی موجودگی ہے یا وہاں سے سرحد پار حملے کیے جا رہے ہیں، تاہم رپورٹ میں کہا گیا ہے کہ یہ دعویٰ زمینی حقائق سے مطابقت نہیں رکھتا۔
رپورٹ میں بتایا گیا ہے کہ داعش خراسان، تحریک طالبان پاکستان، القاعدہ، ترکستان اسلامک پارٹی اور دیگر شدت پسند گروہ افغانستان میں موجود ہیں، جبکہ بعض تنظیموں نے افغان سرزمین کو بیرونی حملوں کی منصوبہ بندی کے لیے استعمال کیا ہے۔
اقوام متحدہ کے مطابق القاعدہ کے طالبان کے ساتھ قریبی روابط برقرار ہیں اور کئی افغان صوبوں میں اس کی موجودگی دیکھی گئی ہے، جہاں اسے تربیت اور تنظیمِ نو کے مواقع حاصل ہیں۔ دوسری جانب داعش خراسان کو طالبان کا اہم مخالف قرار دیا گیا ہے، جس کے خلاف کارروائیوں کے باوجود یہ گروہ حملے جاری رکھے ہوئے ہے۔
