کینبرا: آسٹریلیا کے وزیراعظم نے سڈنی میں پیش آنے والے واقعے کے بعد ہتھیاروں کے قوانین سخت کرنے سمیت دیگر ضروری اقدامات کا اعلان کر دیا ہے۔
آسٹریلیا کے شہر سڈنی کے علاقے بونڈی بیچ پر گزشتہ روز دو افراد نے شہریوں پر فائرنگ کی، جس کے نتیجے میں 15 افراد ہلاک جبکہ 40 کے قریب زخمی ہو گئے۔
واقعے کے بعد آسٹریلوی وزیراعظم انتھونی البانیز نے ہتھیاروں کے قوانین مزید سخت کرنے سمیت دیگر اقدامات کا اعلان کرتے ہوئے کہا کہ گن لائسنس ہمیشہ کے لیے جاری نہیں ہونے چاہئیں۔
بسنت کیلئے پتنگ اور ڈور بنانے کی رجسٹریشن فیس مقرر
انتھونی البانیز کا کہنا تھا کہ حملہ آوروں میں سے ایک کے پاس چھ ہتھیار رکھنے کا لائسنس تھا، تاہم حکومت اب ہتھیاروں کے قوانین سخت کرنے سمیت ہر ضروری اقدام کے لیے تیار ہے۔
سڈنی حملے پر آسٹریلوی وزیر داخلہ نے بیان میں کہا کہ حملے میں ملوث شخص اسٹوڈنٹ ویزا پر آسٹریلیا آیا تھا جبکہ اس کا بیٹا آسٹریلیا میں ہی پیدا ہوا۔
دوسری جانب سڈنی حملے کے بعد آسٹریلیا میں ایک روزہ سوگ کا اعلان کیا گیا ہے، جس کے دوران قومی پرچم سرنگوں رہے گا۔
