تیونس کے ساحل کے قریب تارکین وطن کی کشتی ڈوبنے سے 40 افراد ہلاک ہو گئے۔
غیر ملکی خبر رساں ایجنسی کے مطابق، ڈوبنے والی کشتی میں 70 افراد سوار تھے، جن میں سے زیادہ تر کا تعلق افریقی ممالک سے تھا۔
لوگوں کو پیسہ بینک میں رکھنے کے بجائے اسٹاک میں لگانا چاہیے: سپریم کورٹ
دو روز قبل اٹلی کے قریب بھی تارکین وطن کی دو کشتیاں ڈوب گئی تھیں، جن میں پاکستانیوں سمیت 100 افراد سوار تھے۔
ایک کشتی میں پاکستان، اریٹیریا اور سومالیہ کے 85 باشندے سوار تھے۔ اس حادثے میں دو افراد ہلاک جبکہ 11 کو زندہ بچا لیا گیا۔
دوسری کشتی میں 35 افراد سوار تھے۔ حکام نے ایک شخص کی ہلاکت کی تصدیق کی ہے جبکہ 24 افراد تاحال لاپتہ ہیں۔
واضح رہے کہ دو ماہ قبل بھی جنوبی اٹلی کے جزیرے لیمپیڈوسا کے قریب دو کشتیوں کے حادثات میں متعدد افراد ہلاک ہوئے تھے، جبکہ 60 افراد کو بچا لیا گیا تھا۔
اقوام متحدہ کے اعداد و شمار کے مطابق، 2014 سے اب تک 32 ہزار سے زائد تارکین وطن بحیرہ روم عبور کرنے کی کوشش کے دوران اپنی جانیں گنوا چکے ہیں، جبکہ صرف 2025 میں اب تک مرکزی بحیرہ روم کے راستے میں 900 سے زیادہ افراد ہلاک ہو چکے ہیں۔
