انگلینڈ کرکٹ ٹیم کے کپتان ہیری بروک نے ٹی ٹوئنٹی انٹرنیشنل کرکٹ میں اہم سنگ میل عبور کر لیا ہے۔
ہیگلے اوول میں نیوزی لینڈ کے خلاف دوسرے ٹی ٹوئنٹی میچ کے دوران ہیری بروک نے شاندار بلے بازی کرتے ہوئے اپنے 1000 انٹرنیشنل ٹی ٹوئنٹی رنز مکمل کیے۔ انہوں نے 35 گیندوں پر 6 چوکوں اور 5 چھکوں کی مدد سے 78 رنز کی عمدہ اننگز کھیلی۔
ویمنز ورلڈکپ: سری لنکا اور بنگلادیش کے میچ میں غیر معمولی اسٹمپ آؤٹ، کھلاڑی بھی حیران
یہ کارنامہ انہوں نے اپنے 51 ویں ٹی ٹوئنٹی میچ میں سرانجام دیا، جس کے ساتھ وہ انگلینڈ کی جانب سے 1000 رنز مکمل کرنے والے دسویں بلے باز بن گئے۔
انگلینڈ کے سب سے زیادہ رنز بنانے والے کھلاڑیوں میں جوز بٹلر 143 میچوں میں 3869 رنز کے ساتھ سرفہرست ہیں، جب کہ ایون مورگن 115 میچوں میں 2458 رنز کے ساتھ دوسرے اور ایلکس ہیلز 75 میچوں میں 2074 رنز بنا کر تیسرے نمبر پر ہیں۔
گزشتہ روز کھیلے گئے ٹی ٹوئنٹی میچ میں انگلینڈ نے نیوزی لینڈ کو 65 رنز سے شکست دی۔ انگلینڈ نے پہلے بیٹنگ کرتے ہوئے 20 اوورز میں 4 وکٹوں کے نقصان پر 236 رنز بنائے، جبکہ نیوزی لینڈ کی ٹیم 18 اوورز میں 171 رنز پر آؤٹ ہو گئی۔
