گورنر اسٹیٹ بینک جمیل احمد نے آئندہ دو ماہ کے لیے مانیٹری پالیسی کا اعلان کرتے ہوئے شرح سود کو 11 فیصد پر برقرار رکھنے کا فیصلہ کیا ہے۔
انہوں نے بتایا کہ معیشت میں بہتری کے لیے مؤثر اقدامات جاری ہیں، اور حالیہ مہینوں میں معاشی اشاریے مثبت رجحان دکھا رہے ہیں۔ خاص طور پر بیرونی کھاتوں پر خصوصی توجہ دی گئی ہے تاکہ معاشی استحکام کو یقینی بنایا جا سکے۔
شرح سود کو برقرار رکھنے کی وجوہات پر روشنی ڈالتے ہوئے گورنر اسٹیٹ بینک نے کہا کہ گزشتہ مالی سال کے دوران مہنگائی کی اوسط شرح 4.5 فیصد رہی، جو حکومت اور اسٹیٹ بینک کے مقررہ ہدف سے قدرے کم تھی۔ یہی استحکام اس فیصلے کی بنیاد بنا۔
