ایس آئی ایف سی کی انقلابی اصلاحات نے پاکستان کی معیشت کو غیر ملکی سرمایہ کاری، اعتماد اور معاشی استحکام کی نئی بلندیوں تک پہنچا دیا ہے۔ مشیر خزانہ خرم شہزاد نے ایس آئی ایف سی کی اہمیت کو اجاگر کرتے ہوئے کہا ہے کہ ایس آئی ایف سی ایک اہم پلیٹ فارم ہے جس کا اصل مینڈیٹ سہولت کاری ہے۔ ان کا کہنا تھا کہ گزشتہ چند سالوں میں ایس آئی ایف سی نے سرمایہ کاروں کے اعتماد کو مضبوط کیا ہے اور آج اس محنت کے نتائج سب کے سامنے واضح ہیں۔
پاکستان میں تعلیم کے شعبے میں بہتری، شرح خواندگی 63 فیصد ہوگئی
خرم شہزاد کے مطابق ایس آئی ایف سی نے بیوروکریٹک رکاوٹیں ختم کر کے سرمایہ کاروں کے لیے ایک مربوط اور موثر پلیٹ فارم فراہم کیا ہے۔ انہوں نے مزید کہا کہ پاکستان کی معاشی ترقی کے لیے سرمایہ کاروں کو مکمل سیکیورٹی اور موثر سہولت کاری کی فراہمی میں عسکری قیادت کا کلیدی کردار ہے۔ ایس آئی ایف سی کی ون ونڈو پالیسی نے سرمایہ کاروں کے لیے سہولت کاری، مسائل کا فوری حل اور کاروباری ماحول میں شفافیت کو ممکن بنایا ہے، جبکہ پاکستان کے صنعتی اور کاروباری شعبوں میں پیداواریت اور افادیت بڑھانے کے لیے بھی موثر اقدامات کیے گئے ہیں۔
مشیر خزانہ نے مزید کہا کہ پاکستان کی معاشی اصلاحات کی بدولت بین الاقوامی سرمایہ کار امریکا، سعودی عرب، قطر، ترکی اور چین میں سرمایہ کاری میں دلچسپی بڑھا رہے ہیں۔ ان کا ماننا ہے کہ پاکستان میں مضبوط میکرو اکنامک استحکام کے فروغ اور سرمایہ کاری کے ماحول کو شفاف بنانے میں ایس آئی ایف سی کا کردار بے مثال اور قابلِ ستائش ہے۔
