اسلام آباد میں قومی اسمبلی کے اپوزیشن لیڈر کی تقرری کی راہ میں حائل بڑی رکاوٹ دور ہو گئی ہے کیونکہ پی ٹی آئی نے سابق اپوزیشن لیڈر عمر ایوب کی جانب سے دائر عدالتی پٹیشن واپس لے لی ہے۔ اسپیکر قومی اسمبلی سردار ایاز صادق 12 جنوری کو ہونے والے اجلاس میں نئے اپوزیشن لیڈر کی تقرری کے حوالے سے اہم اعلان کریں گے۔ اس سے قبل عدالت میں معاملہ زیر سماعت ہونے کی وجہ سے اسپیکر نئے قائد حزب اختلاف کی تقرری کرنے سے قاصر تھے۔
پاکستانیوں کیلئے نئے سال کا بڑا تحفہ ، پیٹرولیم مصنوعات کی قیمتوں میں حیران کن کمی کر دی گئی
قومی اسمبلی کا آئندہ اجلاس 12 جنوری سے شیڈول ہے اور قومی اسمبلی کے ایڈوائزر محمد مشتاق کے مطابق عدالتی محاذ ختم ہونے سے اب اس تقرری میں کوئی رکاوٹ باقی نہیں رہی۔ انہوں نے یہ بھی بتایا کہ بنگلہ دیش سے واپسی پر اگلے ہفتے اپوزیشن وفد کی اسپیکر سردار ایاز صادق سے ملاقات ہوگی جس کے بعد اس عمل کو آگے بڑھایا جائے گا۔ اسپیکر قومی اسمبلی رولز کے تحت 12 جنوری کو ایوان میں نئے اپوزیشن لیڈر سے متعلق اعلان کریں گے۔ اس سے قبل پاکستان تحریک انصاف نے سابق رکن قومی اسمبلی عمر ایوب کو عہدے سے ہٹانے کے خلاف دائر کیس واپس لینے کا فیصلہ کیا تھا۔
