وزیر دفاع خواجہ آصف نے کہا ہے کہ فیلڈ مارشل عاصم منیر کی پاکستان کی ترقی کے لیے کی جانے والی کوششوں میں کوئی ابہام نہیں ہے۔ برطانوی جریدے فنانشل ٹائمز کی جانب سے فیلڈ مارشل کو کثیر الجہتی خارجہ پالیسی کا ماہر قرار دینے پر تبصرہ کرتے ہوئے خواجہ آصف نے کہا کہ جریدے نے ڈپلومیسی اور بھارت کے ساتھ جنگ میں کامیابیوں کا کریڈٹ فیلڈ مارشل کو دیا ہے۔
خیبرپختونخوا: کرک میں پولیس موبائل پر حملہ کرنیوالے 8 دہشتگرد ہلاک
انہوں نے مزید کہا کہ فیلڈ مارشل عاصم منیر کی پاکستان کی ترقی کے لیے کی جانے والی کوششیں واضح اور قابلِ تعریف ہیں۔
ادھر وزیر مملکت برائے داخلہ طلال چوہدری نے بھی تبصرہ کرتے ہوئے کہا کہ خارجہ پالیسی کی کامیابی صدرِ وزیر اعظم شہباز شریف اور فیلڈ مارشل عاصم منیر کے سر ہے۔ ان کا کہنا تھا کہ خارجہ پالیسی کے نتیجے میں پاکستان کے عالمی تعلقات مضبوط ہوئے ہیں، اور چین، امریکہ کے ساتھ ساتھ عرب ممالک بھی پاکستان کے موقف کے ساتھ کھڑے ہیں۔
واضح رہے کہ برطانوی جریدے فنانشل ٹائمز نے بھی چیف آف ڈیفنس فورسز فیلڈ مارشل عاصم منیر کی متاثر کن شخصیت کا اعتراف کرتے ہوئے انہیں بدلتے عالمی نظام میں مؤثر اسٹریٹیجک رہنما قرار دیا اور کثیر الجہتی خارجہ پالیسی کا ماہر قرار دیا۔
