پاکستان کے ہاتھوں عبرتناک شکست کے بعد، جب انڈین کرکٹ بورڈ (بی سی سی آئی) نے میچ سے متعلق ٹویٹ کیا تو اس میں صرف یہ لکھا گیا تھا کہ "انڈر 19 ایشیا کپ کے فائنل میں انڈیا کو 191 رنز سے شکست۔”
عام طور پر کرکٹ بورڈز اس نوعیت کی اپ ڈیٹس میں جیتنے والی ٹیم کا نام بھی لکھتے ہیں اور جیتنے والی ٹیم کو مبارکباد دینے کی بھی روایت رہی ہے، لیکن بی سی سی آئی کی اس ٹویٹ میں پاکستان کا نام شامل نہیں تھا۔
عمران خان نے اپنا مقدمہ خود خراب کیا ہے: خواجہ سعد رفیق
پاکستانی سوشل میڈیا صارفین نے یہ بات نوٹ کی۔ اس ٹویٹ کے نیچے پاکستانی صارفین نے بی سی سی آئی کو ٹیگ کر کے جیتنے والی ٹیم کا نام پوچھتے رہے۔
ایک صارف شاہد عباسی نے اس موقع پر جون ایلیا کی شاعری کا سہارا لیا اور لکھا: "آپ وہ جی مگر یہ سب کیا ہے، تم میرا نام کیوں نہیں لیتیں۔”
صارف سبحان نے بی سی سی آئی کو ٹیگ کیا اور مشورہ دیا کہ: "کس نے ہرایا۔۔۔ کوئی نام۔۔۔ نام یاد رکھنا، پاکستان۔”
پاکستان کے سابق وکٹ کیپر بلے باز عتیق الزمان نے لکھا کہ: "آنے کا شکریہ، لیکن ٹرافی ایشیئن کرکٹ کونسل ہیڈ آفس سے بہتر جگہ پر ہے۔”
