لاہور: محکمہ بلدیات پنجاب نے نادرا کے اشتراک سے کسٹمر ریلیشن شپ مینجمنٹ ایپ لانچ کر دی۔
صوبائی وزیر بلدیات ذیشان رفیق نے ای رجسٹریشن ایپ کا باضابطہ افتتاح کیا اور اس موقع پر بتایا کہ ایپ کے ذریعے پیدائش، اموات، شادی اور طلاق کا آن لائن اندراج ہوسکے گا۔ انہوں نے کہا کہ شہریوں کو گھر بیٹھے اندراج کی سہولت میسر آئے گی اور نادرا ڈیٹا سسٹم کے ساتھ لنک ہونے سے متعلقہ معلومات خود بخود درج ہو جائیں گی۔
پاکستان میں ایم جی نے نئی الیکٹرک گاڑی کی قیمت کا اعلان کر دیا
ذیشان رفیق نے مزید کہا کہ محکمہ بلدیات اور نادرا کے درمیان ای رجسٹریشن کا معاہدہ طے پایا تھا، جبکہ شادی، اموات، پیدائش اور طلاق کے اندراج سے درست ڈیٹا جمع ہوگا۔ یہ سسٹم پنجاب بھر میں یونین کونسل کی سطح تک منسلک ہوگا۔
