پاکستان میں ایم جی نے نئی الیکٹرک گاڑی بنگو ای وی کی قیمت کا اعلان کر دیا ہے، جو کمپنی کی الیکٹرک وہیکل لائن اپ میں ایک نیا اضافہ ہے۔ یہ الیکٹرک ہیچ بیک شہری استعمال کے لیے تیار کی گئی ہے، جس میں جدید فیچرز، بہتر رینج اور معقول کارکردگی فراہم کی گئی ہے۔
گاڑی کا ڈیزائن ریٹرو سے متاثر ہے، جس میں سادہ سنگل موٹر سیٹ اپ اور روزمرہ استعمال کے لیے موزوں ڈرائیونگ رینج کی عملی سہولت موجود ہے۔ اس میں چار افراد کے بیٹھنے کی گنجائش ہے اور یہ کشادہ ہونے کے ساتھ ساتھ جدید ٹیکنالوجی، ڈیجیٹل ڈسپلے اور موثر بیٹری کے امتزاج سے لیس ہے۔
وفاقی وزیر داخلہ کی عراقی ہم منصب سے ملاقات، دونوں ممالک کے درمیان تعاون مضبوط کرنے پر اتفاق
بنگو ای وی میں 31.9 kWh لی آئن فیرو فاسفیٹ بیٹری استعمال کی گئی ہے، جس کے ساتھ 67 ہارس پاور اور 150 نیوٹن میٹر ٹارک پیدا کرنے والی الیکٹرک موٹر جوڑی گئی ہے۔ کمپنی کے مطابق گاڑی کی WLTP رینج 273 کلومیٹر ہے، جو روزمرہ شہری سفر کے لیے موزوں سمجھی جاتی ہے۔
گاڑی فاسٹ اور اسٹینڈرڈ دونوں قسم کی چارجنگ کو سپورٹ کرتی ہے۔ ڈی سی فاسٹ چارجنگ کے ذریعے 30 فیصد سے 80 فیصد تک بیٹری کو صرف 35 منٹ میں چارج کیا جا سکتا ہے، جبکہ اے سی چارجنگ میں 20 فیصد سے 100 فیصد تک مکمل چارجنگ کا وقت 5.5 گھنٹے ہے۔
سیفٹی فیچرز میں ڈوئل فرنٹ ایئر بیگز، اے بی ایس اور ای بی ڈی، ریئر پارکنگ سینسرز اور ریئر کیمرہ شامل ہیں۔ پاکستان میں ایم جی نے بنگو ای وی کی قیمت 59 لاکھ 99 ہزار روپے مقرر کی ہے۔
