بنگلہ دیش کی ایک عدالت نے جبری گمشدگیوں اور 2024 کے عوامی انقلاب کے دوران انسانی حقوق کی خلاف ورزیوں کے الزامات پر 15 اعلیٰ فوجی افسران کو قید کی سزا سنائی ہے۔ یہ ملک کی تاریخ میں پہلی مرتبہ ہے کہ جبری گمشدگیوں کے الزامات باضابطہ طور پر عائد کیے گئے اور اتنی بڑی تعداد میں سینئر فوجی افسران کو ایک شہری مقدمے میں سزا دی گئی۔
رپورٹس کے مطابق سزا پانے والوں میں پانچ جرنیل بھی شامل ہیں، جن پر الزام ہے کہ انہوں نے سابق وزیر اعظم شیخ حسینہ کے دورِ حکومت میں ایک خفیہ غیر قانونی حراستی مرکز قائم کر رکھا تھا۔
نعمان علی ٹیسٹ بولنگ رینکنگ میں دوسری پوزیشن پر پہنچ گئے
اقوام متحدہ کے اعداد و شمار کے مطابق جولائی اور اگست 2024 کے دوران ہونے والی جھڑپوں میں تقریباً 1400 افراد ہلاک ہوئے جب سیکیورٹی فورسز نے حکومت مخالف مظاہروں کو طاقت کے ذریعے دبانے کی کوشش کی۔ اقوام متحدہ کے انسانی حقوق کے سربراہ وولکر ترک نے کہا کہ عدالت کا یہ فیصلہ احتساب کی سمت ایک اہم پیش رفت ہے اور متاثرین و ان کے اہل خانہ کے لیے انصاف کی امید کا لمحہ ہے۔
شیخ حسینہ کے دور میں راپیڈ ایکشن بٹالین کو متعدد ماورائے عدالت ہلاکتوں کا ذمہ دار ٹھہرایا گیا تھا، جس پر 2021 میں امریکا نے پابندیاں عائد کی تھیں۔
دوسری جانب وکیلِ دفاع سرور حسین نے تمام الزامات کو بے بنیاد قرار دیتے ہوئے کہا کہ ان کے مؤکل بے گناہ ہیں اور انہیں منصفانہ عدالتی عمل کے بعد بری کر دیا جائے گا۔
