پی ٹی آئی کے حلیف اور سنی اتحاد کونسل کے سربراہ صاحبزادہ حامد رضا اہم عہدے سے مستعفی ہو گئے ہیں۔
پاکستان تحریک انصاف کے حلیف اور سنی اتحاد کونسل کے سربراہ صاحبزادہ حامد رضا نے اہم عہدے سے استعفیٰ دے دیا ہے۔ یہ فیصلہ انہوں نے پارٹی ہدایات کی روشنی میں کیا ہے۔
سنی اتحاد کونسل کے ہنگامی اجلاس کے بعد صاحبزادہ حامد رضا نے تحریک تحفظ آئین پاکستان کے سیکریٹری انفارمیشن کے عہدے سے استعفیٰ دیا اور اپنے فیصلے سے تحریک تحفظ آئین پاکستان کے ترجمان اخوند زادہ حسین کو بھی آگاہ کر دیا ہے۔
عہدے سے مستعفی ہونے کے بعد صاحبزادہ حامد رضا نے کہا کہ بانی پی ٹی آئی عمران خان کے ساتھ کھڑے ہیں اور کھڑے رہیں گے۔
واضح رہے کہ صاحبزادہ حامد رضا خان نے فیصل آباد سے قومی اسمبلی کی نشست 104 پر کامیابی حاصل کی تھی۔ انہیں انتخابات میں پی ٹی آئی کی حمایت حاصل تھی۔
